Bremnes kantori

Bremnes kantori kjem til Utstein kloster eit blanda repertoar som spenner frå norske folketonar og salmar til korstykker av blant anna Ragnar Bjerkreim, Knut Nystedt og John Rutter

Bremnes Kantori vart stifta ein vinterdag i 1989. I 2014 markerte koret 25-årsjubileet med konsertar og andre arrangement. Dei første 30 åra var kantor Jostein Molde dirigent for koret. Frå 2019 er det hans etterfylgjar som kantor i Bremnes kyrkje, Øystein Lund Olafsen, som har det musikalske ansvaret og koret tel no 35 songarar frå 30 til 75 år.

Gudstenestelivet i Bremnes sokn har alltid stått øvst på prioriteringslista til koret, og gjennom åra har dette ført til auka vitalitet og djupare forståing for songen sin plass i kyrkjelyden si hovudsamling. I tillegg har koret alltid hatt andre utfordrande oppgåver å arbeide fram imot. Mange større kyrkjemusikalske verk er framførte i samarbeid med solistar og musikarar. Dette har gjeve koristar og tilhøyrarar mange gode opplevingar, og utvida den musikalske horisonten. Ikkje reint sjeldan tek koret del i ulike andre arrangement i nærmiljøet. Repertoaret spenner vidt, men har sin basis i den klassiske kyrkjemusikken.